爺爺返天家了......
一時間，我以為聽錯了甚麼，再聽清楚....
我其實真的接受不了..
我星期日才和他飲茶，那時他還成個盅頭飯咁食，我重比張冷氣機單佢，幫佢換左個冷氣了左個心事
4月5日清明節我才和爸媽同佢地飲茶，將原來爛左既舊床拆左佢，4月6日換過張新床
4月7日我才和他去醫院覆診，我還特地帶他去沙田利苑飲茶，食靚既蝦餃，果時佢重好好胃口，食左好多野啦，又腸粉啦，又魚粥啦，又拉麵啦...重要傾左好多野，因為我全日放假有大半日都同佢一齊...，重要特登叫佢同grandma影相，我還特登比個copy身在UK的堂兄等佢唔好掛心...
真的太突然，明明昨天電話還聽到他的聲音，明明今天就約到幫他裝新的冷氣機
突然間在我的生命裡沒有了爺爺
雖然他經常有甚麼事就打電話給我，因為....我的電話在他的電話旁寫了5個，是5個一樣的號碼，所以有事又怎會不找我? 昨天才發現原來書檯也有一個....
雖然有時真的很多電話，也有的很小的事也會打過來，
但我其實也很高興你會需要我幫忙
我也很開心....
最少星期三幫你換了張新床，等你好滿意好開心去訓每一覺
也讓你很舒服的返到天家..........
願你早日安息主懷，來日天家再會。
